Wi-j zun ni-j!

Maor wie zun we, wat zun we en waor en waorum geet ’t gebeure?

Wi-j zun Maurice, Rob, Marjon en Mark (v.l.n.r.). Same vorme wi-j de ni-j opgerichte “Stichting Groeten van de Feestcommissie”. Onze snuutjes ku-j op de foto zien en binnneköt stelle wi-j ons nog effe veur.

De “Stichting Groeten van de Feestcommissie” is opgerich um now en in de toekoms evenemente in onze regio te organisere. Wi-j wille gin wins make, ’t geld dat bi-j ’n evenement eûver blif geet in onze spaorpot en wödt deur ons gebruuk veur ni-je evenemente of ’t deur ontwikkele van wat al lup.

Ons eerste grote (meerdaagse) evenement wödt “de Waskuuptempel”, ’n grote feeslocatie den carnaval 2024 op de Bleek en op ’t Stadsplein in ‘s-Heerenbarg (hiernao Waskuupstad) zal verrijze. Waskuupstad is net ’n soort Bedevaartsoort. Carnavaliste die hier wone of hier ooit gewoond hemme komme in Waskuupstad same met andere carnavaliste van heinde en verre um groot carnaval te viere.

Um al die minse now en in de toekoms ’n gemuutluke plek te garandere waor groots gefees kan wodde hemme de stichting en de carnavalsvereniging d’ Olde Waskupen de köp same gestoake. Zo is uuteindeluk ’t initiatief veur “de Waskuuptempel” gebore. Veur ons is belangrijk dat we ’t SAME gaon doen. “De Waskuuptempel” doen wi-j SAME met CV d’ Olde Waskupen en de Barghse horeca en we probere d’r nog meer lokale ondernèmmers bi-j te betrekke. SAME wödt vervolges ’n mega fees georganiseerd dat we SAME met ollie, carnavaliste in Waskuupstad, gaon belève! Inmiddels steet ’t groots en verrassend programma in de steigers.

“De Waskuuptempel” wödt veur en van ons allemaol!

Wi-j zun d’r klaor veur. Zien we ow straks ook in onze “Waskuuptempel”?